尚 青 商號

5-min walk from Exit B1, Wan Chai MTR Station continue reading

Telephone

23639989

Opening Hours

Payment Methods

Cash

Other Info

Phone Reservation

10% Service Charge

舖喺樓上閣仔。樓下門面嘟二維碼同探熱位超悶焗。行到樓上收銀位，估唔到已經下午兩點半仲有兩組人等緊，佇立等候位置依然冇冷氣到，而且冇飛攞只能乾熱咁排隊等，後來嘅人唔想企樓梯排隊都知難而退⋯⋯奉勸唔等得真係咪嚟，要預咗啲食客都係文青式慢食而唔會秒速騰空番張枱出嚟。打卡位甚多，見圖，不過熱到36度條街都熔嘅時候，暑到變阿呆都冇乜心情自拍他拍。約廿分鐘後，汗濕之我們仨終有侍應招呼入最盡頭近窗邊之四人座，一下子由極熱到就坐至最冷凍位置。先嚟嘅「麻辣蒜香雞絲乾拌麵」揀咗小辣，所以突出咗「麻」味痺痺哋，雖然汁底唔多不過撈起辣辣哋幾滋味。枱邊有樽疑似辣椒醬，食開頂盡小辣嘅本人𢳂半匙，有xo 醬風味，亦都足以辣到臉出汗。再嚟嘅「台酒三杯雞飯」，寧舍大陣仗，用熱鍋熱住上。不過總覺調味差啲咩，辣就夠但調味唔夠層次。「椒鹽排骨雞湯幼麵」朋友反映湯頭有陣蔥油味，加埋d辣醬就更加香；雞扒炸得內脆又夠熱。順帶一提係老闆幾殷勤，主動引領我枱小朋友去廁所門口。總言：靚裝台式小店，啱慢活人士。 continue reading

(The above review is the personal opinion of a user which does not represent OpenRice's point of view.)

今日中午要到金鐘政府合署，亦順便約在此區工作的妹妹一起吃午餐，她推介此抵食台灣餐廳。位置：在太古廣場三期附近，位於一條很多餐廳的小巷中。環境：分開地下和樓上舖，由於外賣自取，沒有到樓上，但看過一眼是較狹窄，座位安排緊密。而地下一層是外賣下單及整外賣便當飯，樓梯間有心思及懷舊的佈置，挺有台灣格調。服務：一到午市就大排長龍，無論是外賣或堂食，所以一定有心理準備要等，我們由下單到有外賣，都等了十五分鐘，但沒有收外賣盒錢。午市： 有午市套餐提供，湯底有三款可以選擇，麵則分粗幼，另送冬瓜茶或烏龍茶，在灣仔區來說，價錢合理。🥢埔里花雕牛肉麵🍜 $72另送兩個小菜，分別是酸菜和油炸鬼，配手工寬麵。我欣賞👍外賣麵和湯分開，不會浸軟，手工麵有嚼勁，掛少少湯汁，而牛肉🥩煮得相當軟身又厚，至少有三、四塊，而湯底香料多，有少少麻油和酒香，整體很滿意😊，感到是高質出品，難怪日日一到午市就大排長龍。🥢麻辣牛肉麵🍜 $70這是妹妹的選擇，同樣配手工寬麵，湯底是麻辣味，我試喝了一口，的確是挺帶辣勁，有淡淡的牛肉味。我相信並他食材都差不多的口感和味道。🥤冬瓜茶(凍)我和妹妹都一致選擇了冬瓜茶，因為台灣最出色的飲料就是冬瓜茶，甜而解渴。 continue reading

(The above review is the personal opinion of a user which does not represent OpenRice's point of view.)

尚青商號 (灣仔)♡︎𝗦𝗣𝗘𝗖𝗜𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$82 麻辣鴨血煲(8/10🌟)❤️sᴘɪᴄʏ ᴅᴜᴄᴋ ʙʟᴏᴏᴅ ᴘᴏᴛ❤️🌶麻辣味道特出，鴨血好滑，索麻辣湯底味好足🍲，不過又唔會太辣。另外亦有啲貢丸、台式百業豆腐同少量菜🥬。百葉豆腐亦都係非常索湯，食落好熱♨️。$56 黑嚕嚕魯肉飯(皮蛋)(8/10🌟)❤️ʜᴇɪʟᴜʟᴜ ʙʀᴀɪsᴇᴅ ᴍɪɴᴄᴇᴅ ᴘᴏʀᴋ(ᴘʀᴇsᴇʀᴠᴇᴅ ᴇɢɢ ʀɪᴄᴇ)❤️🍚滷肉飯會配有少少開胃餸，包括酸酸甜甜醃蘿蔔同埋雲耳。魯肉飯配皮蛋感覺幾新穎✨，食落去有微微皮蛋味道，魯肉肥美多汁，味道較特出，撈飯好正😋。魯肉配皮蛋兩者混合係夾既，表面有少少既木魚碎作點綴💕，同半隻糖心蛋🥚。$56 椒鹽鹽酥雞(8/10🌟)❤️ᴛᴀɪᴡᴀɴᴇsᴇ ꜰʀɪᴇᴅ ᴘᴏᴘᴄᴏʀɴ ᴄʜɪᴄᴋᴇɴ❤️🐣鹽酥雞細細粒好易入口，雞粒數量多，表面有香葉🌱亦有好多炸蒜🧄。雞肉食落滑，多汁香口，鹹味幾重。食物：8/10環境：8/10性價比：8/10📍灣仔蘭杜街4號文熙大廈地鋪其他分店：📍荃灣兆和街16號和盛樓地下5號舖#duckblood #spicypot #mincedpork #preservedegg #friedpopcornchicken #friedchicken #taiwanesefood #hkdinner #hkfood #foodhk #foodiehkig #hkigfoodie #hkfoodblogger #麻辣鴨血 #魯肉飯 #皮蛋 #鹽酥雞 #灣仔美食 #荃灣美食 #香港美食 #香港美食推介 #晚餐 #食好西系列 #打卡 #相機食先 continue reading

(The above review is the personal opinion of a user which does not represent OpenRice's point of view.)

呢間餐廳嘅午市 跟據女友呢位探子回報基本上日日都見到人龍排滿樓梯🧍🏻有日早咗放lunch終於有機會試12點左右去到 可以唔洗排隊直入😌.🍴香菇魯肉飯 $50 💛8/10午餐會跟兩款小食今次係醃蘿蔔同雲耳😳睇落份量唔算大 但其實食落好夠因為魯肉都鋪得幾滿 而且係半肥半瘦 好有飽肚感😋另外仲有溏心蛋同白菜仔餸飯 冇咁膩.🍴台式牛三寶飯 $68 💛7/10其實同香菇魯肉飯差唔多感覺不過係轉咗用牛黎做主角🐮飯上面放咗牛燥、牛筋同牛肋條牛燥同肉燥食唔太出有咩分別🫣牛筋煮到好軟腍滑身 質感唔錯但牛肋條就差咁啲 食落會癡牙😬同埋由於唔似魯肉飯有啲肥肉撈下呢款食落去感覺會比較dry添😗早知叫半筋半肉牛肉麵 應該會好味啲.🍴椒鹽鹽酥雞 $38 💛8.5/10食親台灣嘢就忍唔住想叫份鹽酥雞除咗用椒鹽調味之外再配埋炸香嘅九層塔同埋蒜頭🧄幾有台灣夜市買到嘅嗰種味道 唔錯.餐仲有跟飲品 可選冬瓜茶或者烏龍茶以價錢黎講 的確係幾抵食不過以味道計 未去到要專登排長龍去試🙈除非係專程想食鴨血嘅朋友算係少有午市有得食到 咁都叫排得抵啲🤣 continue reading

(The above review is the personal opinion of a user which does not represent OpenRice's point of view.)

尚青係傅佩嘉開嘅小店，其實之前都食過一次嫁喇，不過今日再幫襯。鋪頭裝修文青feel有台灣味，記得之前lunch hour 去，排超長隊，冇得book冇籌攞。今晚去，因為二樓頗大，稍微等左兩張枱好快就可以坐，職員話一個鍾要交枱，不過走嗰時都唔係話太多人，職員都冇過黎催。試左牛肉三寶飯，排骨飯。用珍珠米，飯好食。排骨飯要等耐d，都酥脆好食。牛肉飯相對上次食牛肉面好似比較一般，但都唔錯。飲品係胚芽奶茶加仙草，早年胚芽曾經流行過，但係近年大型連鎖奶茶鋪都冇胚芽，胚芽味足，好懷念。仲叫左豬排刈包，其實都好食嘅不過似漢堡包多d，可能要叫d控肉刈包先多d台灣feel喇。你話係咪好食到令人感動又唔係，但係絕對好過求其走入一間台式餐廳，同埋以呢個地點、裝修、價錢、味道，就算唔計老闆背景，金鍾返工真係冇d好d嘅選擇囉，我都會再幫襯。 continue reading

(The above review is the personal opinion of a user which does not represent OpenRice's point of view.)

【香港都品嚐到台灣家鄉味道·台灣料理🍴】/////自從係荃灣一間咖啡店聽講呢間台灣菜高汁就bookmark左😽🙌🏻平日夜晚人流唔算多 可以坐到卡位〰️餐牌有特色滷肉飯麵、飲品 仲有一人一鍋台灣火鍋🤪用QR Code落單要收加一服務費🫣但真係要讚女店員由收錢到送餐都係一手包辦!!繁忙時間嘅話要體諒一下(*¯︶¯*).配菜有幾塊醃蘿蔔以及雲耳 蘿蔔酸酸甜甜幾爽口 雲耳就正常發揮👉🏻椒鹽排骨雞湯麵 ($62)麵條可以簡幼麵或者手工寬麵 手工寬麵口感彈牙煙韌👍🏻 雞湯味道偏清淡 有香葱再調味有加分(⁎⁍̴̛ᴗ⁍̴̛⁎)而排骨份量比想像中多 炸粉粉漿厚度適中 加入椒鹽醃料非常惹味😻肉質結實但軟腍 脂肪部分都唔會太多😗👉🏻滷溏心蛋 ($12)蛋味非常香濃🥹切開會見到晶瑩透亮嘅蛋黃 咬下流心效果並未有太澎湃 期望流心效果可以更強～———📍尚青商號 (荃灣)荃灣兆和街16號和盛樓地下5號舖 continue reading

(The above review is the personal opinion of a user which does not represent OpenRice's point of view.)

Lunch 時間邊行邊諗食咩好，見到呢間新開既台式餐廳就入咗去試吓，叫左碗麻辣牛肉麵飲奶茶，奶茶比較古早味，冇咁甜，麻辣湯底好香，台式麻辣會重藥材味反而更易入口唔會太辣，飲左半碗湯越飲越香，牛肉同牛筋煮得夠淋又大件，3碟碗菜都唔錯 continue reading

(The above review is the personal opinion of a user which does not represent OpenRice's point of view.)

#flahsback 💛一路都知呢間餐廳既牛肉麵好食，可惜灣仔店成日麵排長龍..所以成日都搵唔到時間去幫襯👍🏻難得今次行完山臨走前見到佢！ 仲要無咩人！ 甘梗係要入去食下睇下好唔好味啦！首先係門面及餐牌，充滿特色，我望落去都應該會吸引我入去🫢 好多老虎喺度添🤣至於主食方面，我哋叫咗個牛牛牛 - 牛肉碎，牛筋牛腩飯！同埋呢一個好出色！ 肉碎好入味，牛腩好淋，牛筋入口即溶🥺 仲有半隻蛋添！ 食完好有滿足感🤭另外仲嗌咗個牛肉麵，佢個湯係好濃郁嘅，個面都好彈牙㗎，同埋好闊身，不過如果對比起個飯來講，我會鍾意個飯多啲😏層次感多啲～ continue reading

(The above review is the personal opinion of a user which does not represent OpenRice's point of view.)

一向都好鍾意食台灣料理，尤其是依兩三年唔可以隨時話飛就飛，更加掛住台灣牛肉麵，蛋餅等等。今日就嚟到荃灣試吓，環境裝修都舒服，唔算好逼夾，亦都好光猛，乾淨衛生。我就叫咗一個半筋半肉既牛肉麵，仲有一個鴨血，另外飲品就叫咗白桃烏龍。首先講鴨血，唔知係咪因為我開門冇幾耐就到，鴨血完全唔入味，而且仲凍凍地，望落去顏色好吸引，實質完全唔辣同埋唔麻。失望。牛肉麵就唔錯，湯底好濃郁，牛肉亦都好多，炆得都好淋，入口即溶。麵條亦都掛湯，對得住價錢。三樣嘢之中最值得讚就係白桃烏龍冷泡茶😝好飲過外面嘅手搖店，好清香，有茶味之餘唔會太甜，大贊。整體來講，不過不失，價錢都合理，都會有下次的。 continue reading

(The above review is the personal opinion of a user which does not represent OpenRice's point of view.)

好耐都無去過荃灣分店了~ 本身自己幾鐘意呢間小店係灣仔店都會去既~ 咁今次勁夜先去食~ 好在仲未CUT單~入到去拿拿聲叫野食紅燒半筋半肉湯泡飯 次次都係食麵，未食過呢度泡飯，加上個人黎講幾鐘意個湯頭~ ORDER泡飯就可以盡情飲下佢個湯~ 熱辣辣黎到~ 半筋半肉依然係好軟綿既肉~ 好正~ 入口滿晒個個牛味相當出色~ 而且飯粒我覺得口感好好，唔係煮到爛晒個D口感既米而呢度用既應該係台灣米(因為屋企食個隻都係台米)湯頭依然濃厚出色~配菜一樣咁好食//番茄半筋半肉湯麵 (幼麵)呢個湯底就加左番茄粒，但就覺得茄味唔夠灣仔店重味XD但肉質都係咁出色，麵依舊都係彈牙~好正~得閒係荃灣諗唔到食乜繼續黎呢度食XD continue reading

(The above review is the personal opinion of a user which does not represent OpenRice's point of view.)